Amund frá Noregi

Komið og Dansið á Íslandi fékk til sín heiðursgest Amund Storsveen frá Noregi. Hann er einn af fremstu leiðbeinendum Kom og Dans í Noregi. Hann leiðbeindi og fór yfir mörg tækniatriði og grunn í nokkrum dönsum helgina 10-12. október 2025. Þar má einna helst nefna, Swing, Jump Boogie, Two Step og fleira.

Dagskráin var þéttskipuð frá föstudegi til sunnudags. Um leið og við þökkum honum sérstaklega fyrir komuna, sem og Sólrúnu og Jóhönnu þetta frábæra framtak, þá vonumst við til að fá hann aftur til okkar sem allra fyrst. Unnið er að því að gera það að veruleika á næsta ári.